剛才跟媽咪吃飯，談起她昨晚跟晨運友春茗之事。

「講起就火都來，好似食豬餿咁，啲服務態度又差！」

「12人一圍枱坐咗13個人，都算啦，對面嗰對夫婦，人瘦瘦，又坐到咁鬆。我哋呢邊逼，叫佢哋幫手坐埋少少，睇住佢地係咁意郁郁個身就算，張椅根本都冇郁過。」

「今次呢圍又唔知搞乜，坐咗咁多男人。好啦到上菜，侍應放係度就算，嗰啲男人就冇你冇你係咁夾，轉到過來乜都冇乜得淨。除咗嗰碗所謂翅，我都唔知自己食過啲乜！」

我：「同枱個個人都諗住自己有比錢，唔蝕畀你。班人同你又唔係熟，使畀面你同你諗？再者，人人都以保障自己利益為先，邊會理得你咁多？」

「我夠有畀錢啦！我哋上次食呀，都會識得睇返份量，食返自己個份就夠，會睇埋人地個份留畀人；又或者上菜時畀人地夾先，公平啲，邊得來啲人咁衰格下下夾到人哋冇得食，轉到過來得返啲餸尾咁衰架，都唔使理人哋嘅！」

我：「係我就唔忍喇。咁你有冇開聲，或試下先轉來你嗰邊先呀？」

「冇呀……」

我：「你又唔開聲，人地咪下下都咁做囉，佢哋係既得利益者。呢啲野無得等人地自己改變，一定係要自己出手。唔好期望有人會體諒你同你諗幫你出手，而係要自己去爭取。再唔係，隔離位個人情況其實同你差唔多，你有冇試過同佢講跟住一齊行動？」

「冇呀，佢哋好似一伙的。有自己人一齊出聲又話啫，得自己一個有乜用丫……」

我：「家陣唔係搶人嗰份，而係連自己應有的都冇埋。你覺得唔公平，當時又唔出聲，頂住條氣。而家過咗，只可同我呻下，乜都改變唔到。」

「咁唔係點啫，下次咪畀都唔去囉！」

我跟媽咪的對話就此完結，但故事值得我們深思。

我們正面對一個不公平不公義的社會，政府偏幫大陸人，本地香港人的工作、生活被壓窄，以前原有的生活空間日漸縮小。再看看近來發生之事：政改普選咨詢假大空；人口政策林鄭說香港人口不設上限；電視發牌續牌事件政府黑箱作業；「軀蝗行動」遭受689梁匪振英及4名司局長予以強烈譴責；中共利用「普教中」有計劃地清洗粵語等。這些事全都是打壓香港人，還好意思叫我們忍耐及包容。

怎樣容忍？
大陸人來港我們港人資源；破壞我們社會一貫擁有的良好秩序；旺角尖沙咀銅鑼灣大量大陸自由行推撞港人，拖手拖喼輾過我們的腳；等港鐵何止「等多班車」？多等3班也上不到車是等閒事！

怎樣容忍？
香港彈丸之地，要承受比港人多8倍的大陸劣質遊客，公共交通承載能力幾近飽和，還有繁忙非繁忙時間之分嗎？

當我們面對不公，被無理欺壓，不為自己發聲，並不會有任何改變。不要天真地期望別人會看到你困境而仗義相助，替你出頭。需知要事情有改變，必定要先從自身出發。

我們現在做的，不是貪婪霸佔別人的東西，相反只是卑微地取回本來原屬於自己的東西。我媽媽可選擇下次不再去這些飯局，但我們家在香港，我們沒有別的選擇。

今天，我們慶幸身邊已有不少同路人，但數目還遠遠未夠。我們需要更多手足並肩作戰。

不要再做沉默啞忍的一群，面對這不公的社會，我們齊齊站出來，為捍衛自己的權利而抗爭吧！

（圖片來源：sf-classmate@flickr）