熱血時報 | 可疑車輛疑逃避追捕炒車 交通警被指搵市民做人肉路障

可疑車輛疑逃避追捕炒車 交通警被指搵市民做人肉路障



可疑車輛疑逃避追捕炒車 交通警被指搵市民做人肉路障



今日(2月11日)下午5時許,粉嶺公路發生奪命交通意外,一輛可疑私家車,懷疑逃避警方追捕時撞向前方汽車,車上司機及乘客均告不治,消息指37歲司機並無有效駕駛執照。

有關車Cam後鏡片段於網上率先流傳,見到涉事車輛炒車一刻,撞擊力相當巨大,但隨後網上再流出前Cam片段,懷疑交通警以市民車輛作人肉路障。

Facebook專頁「OpenCar」上載片段,標題為「粉嶺公路交通警整人肉路障?離晒譜?」,根據片段的拍攝時間,為今午5時32分,見到當時有警方電單車截停兩部黑色私家車,之後就見到尾Cam拍攝到的炒車一幕。

根據片段顯示的車牌號碼,與其中被撞的一輛私家車號碼一樣。

對於交通警被指用市民擋車,網上面一片負評,有留言指「如果因為咁死咗無辜嘅點算」、「成家喺架車度,幫呀sir你咁樣做人肉路障,死咗,有冇得葬浩園架?」。

作者
讀者回應
相關文章